Miss Campus 2009 Live

Miss Campus 2009 Live posted on Sep , 18 2009 at 03H 15min 21 sec viewed 190 times

Ntibisanzwe ko mu Rwanda no mu bindi bimwe mu bihugu bya Afrika ushobora gukurikirana ibirori birimo biba (Event Live Coverage), binyuze ku rubuga rwa Internet. Kuri uyu wa gatanu tariki 18 Nzeri 2009, ku rubuga www.igihe.com, murashobora gukurikirana ibirori bya Miss Campus 2009, birimo biba, kuva mu masaha ya 17h00 z’umugoroba. Hakurikijwe uburyo bushya bwa technologie, abanyamakuru b’urubuga www.igihe.com, abatechniciens, n’abandi bagize ikipe y’uru rubuga, baraba bari gukurikirana ibiri kubera muri Grand Auditorium ya Kaminuza Nkuru y’u Rwanda I Butare. Yaba amafoto, ndetse n’amavideo amwe n’amwe y’ibiza kuba biri kuba muri ibyo birori, mu minota mike bitambutse muzajya muhita mubibona ku rubuga rwanyu, aho mwaba muri ku isi yose. Icyo umuntu asabwa ni ukuba uri kuri computer ifite connexion internet, ubundi unyuze ku www.igihe.com, ukinjira ku murongo ubasha kureberaho gahunda zose z’ibyo birori. Tubibutse ko uburyo bwo gutora bukomeje kugeza ku mugoroba isaa 16h45. Ushobora kandi kubona abamaze gutora n’abamaze gutorwa unyuze kuri www.igihe.com Miss Campus 2009. Ubwanditsi